Хан-Уул дүүргийн нэгдсэн эмнэлэг

ХУДНЭмнэлгийн захиргаа улирлын чанартай Томуу томуу төст өвчний тохиолдол нэмэгдэж, үйлчилгээний ачаалал ихэссэнтэй  холбоотой ЭМСайдын 358 тоот тушаал,   ХУДЗДаргын А/04 тоот албан даалгавар, Нийслэлийн Засаг Даргын 577 тоот захирамж, НЭМГазрын Даргын 2019 оны 1-р сарын 7 ны өдрийн  А/02 тоот “Эмнэлгийн тусламж үйлчилгээг зохицуулах тухай” тушаалуудыг хэрэгжүүлж холбогдох нэмэлт арга хэмжээнүүдийг авч хэрэгжүүлж байна.

Үүнд:

1. Хан-Уул нэгдсэн эмнэлгээр үйлчлүүлдэг 4-8-р хорооны насанд хүрэгсэдийн хэвтүүлэн эмчлэх тусламж үйлчилгээг 2019 оны 1 сарын 7 ны өдрөөс эхлэн Хан-Уул Эрүүл мэндийн төвд шилжүүлснээр 90 орыг бүрэн чөлөөлж хүүхэд хэвтүүлэх үйлчилгээнд шилжүүлсэн
2. Эмнэлгийн тусламж үйлчилгээнд нэн шаардлагатай эм тариа, ариутгалын бодис, тоног төхөөрөмжийн хангалтыг нэмэлтээр хийж бэлэн байдлыг хангасан
3. Мөн нэмэлтээр ажиллах эмч сувилагч,  асрагчийн тоог нэмэгдүүлж, Яарал-тай тусламжийн хэсэгт амралтын өдрүүдэд эмч нарыг уртасгасан цагаар ажиллуулж байна.
4. Эмнэлгийн зарим өрөөнүүдийг суллан нэмэлт ор байршуулан хүүхдүүдийг хэвтүүлэх нөхцөл бололцоог бүрдүүлсэн
5. Өрхийн эмнэлгүүдийн эмч нарыг эмнэлгийн хүлээн авах яаралтай туслам-жийн хэсэгт нэмэлтээр ажиллуулах гэрээ байгуулан үзлэгийн ачааллыг буу-руулах арга хэмжээ авсан. Ажлын өдрүүдэд 24 цагаар 2 эмч, амралтын өдрүүдэд 3 эмч ажиллаж хүүхдийн үзлэгийг хийж байна.
6. Мөн хүүхдийн тасагт амралтын өдрүүдэд нэмэлтээр эмч ажилллуулж оношлогоо эмчилгээг түргэн шуурхай шийдвэрлэж байна.
7. Эмнэлгийн лабораторид нэмэлтээр лаборант ажиллуулж, шинжилгээний хүртээмж чанарыг сайжруулах арга хэмжээ авч хэрэгжүүлсэн.
8. Эмнэлгийн захиргаа “Гүүд Нейборс” ОУТББайгууллагатай хамтран Хүүхдийн эмчилгээ үйлчилгээний шинэ орчныг бүрдүүлэх төсөл хэрэгжүүлэхээр болсон бөгөөд 2019 онд 40 ортой хүүхдийн тасгийн өртгөлийг барьж ашиглалтанд оруулах юм.
9. Цаашдаа  АХБанкны хөнгөлөлттэй зээлийн санхүүжилтээр эмнэлгийн шинэ барилга баригдах бөгөөд үйлчлэх хүрээний хүн амд үзүүлэх  эмнэлгийн тусламж үйлчилгээнд эрс өөрчлөлт гарах болно

Хэдийгээр орны зохицуулалт хийж байгаа боловч зарим тохиолдолд орой шөнийн цагаар хэвтэхээр ирж байгаа цөөн тооны  хүүхдүүдийг  түр хугацаагаар коридорт авч, эмнэлгийн тусламж үйлчилгээг шуурхай үзүүлж байгаа бөгөөд эдгээр хүүхдүүд нь маргааш өглөө нь орны зохицуулалтаар өрөөнд шилжин орж байгаа болно.