Хан-Уул дүүргийн нэгдсэн эмнэлэг

Хан –Уул Дүүргийн нэгдсэн эмнэлгийн захиргаанаас “Гарын эрүүл ахуй ба эмнэлгийн тусламж  үйлчилгээтэй холбоотой халдвар” сэдэвт нэг сарын аяны хүрээнд “ Гарын эрүүл ахуй “ сэдэвт өдөрлөгийг  эмч эмнэлгийн ажилтан, үйлчлүүлэгчдийн дунд зохион байгууллаа. Гарын ариун цэвэр сахих дадлыг хэвшүүлэх зорилгоор хэвтэн эмчлүүлэгч хүүхдүүдэд гар угаах зөв дэс дарааллаар сургалт явуулж, эрсдэлээс урьдчилан сэргийлэх талаар хүүхдүүдийн насны онцлогт тохируулан сонирхолтой хэлбэрээр мэдлэг олголоо.

Сургалтаар  хүүхдүүдийн гарны зургийг зуруулж, өнгөөр ялган будаж, өнгийн харандааг хооронд нь солилцуулан будах, хүүхэд бүрт гарын доорхи материалаар хэрхэн баримлын шавар хийх талаар зааж хамдтаа турших, зураг, баримлын шавар хийж дуусах бүрт нь гарыг  зөв дарааллаар угааж халдваргүйжүүлэх  зэрэг арга хэлбэрээр сургалтыг явуулсан байна. Энэхүү арга хэмжээнд хэвтэн эмчлүүлж байгаа 25 хүүхэд, эмч ажилтнууд идэвхтэй оролцлоо.