Хан-Уул дүүргийн нэгдсэн эмнэлэг

Үйлчлүүлэгчдэд ээлтэй эрүүл мэндийн тусламж үйлчилгээг үзүүлэхэд сувилагч, тусгай  мэргэжилтний оролцоог нэмэгдүүлэх, эрдэм  шинжилгээ судалгааны ажлыг дэмжих,  тулгамдаж буй асуудлыг илрүүлэх, харилцан туршлага мэдээлэл солилцох, сувилахуйн тусламж үйлчилгээний чанар хүртээмжийг дээшлүүлэх, цаашдын үйл ажиллагаанд тусгаж ажиллах, нотолгоонд суурилсан эмнэлзүйн болон сувилахуйн ур чадварыг дээшлүүлэх  зорилгоор “БҮХ  НИЙТИЙН ЭРҮҮЛ  МЭНДИЙН  ХАМРАЛТАД  СУВИЛАГЧ, ЭХ БАРИГЧИЙН  ҮҮРЭГ” сэдэвт эрдэм шинжилгээний  бага хурлыг 2 үе шаттайгаар цахимаар Zoom meeting программыг ашиглан  зохион байгууллаа.  Энэхүү онол практикийн бага хуралд 24 сувилагч тусгай мэргэжилтэн оролцож,  шалгарсан  5 илтгэл нь  эрдмийн  баярт   хэлэлцүүлж, бусад  илтгэлийг   ханын  самбарт байршуулсан.  Сувилагч, тусгай мэргэжилтний 13 илтгэл хэлэлцэгдсэнээс тэргүүн байранд  сувилагч Л. Оюунбилэг, Б.Энхтүвшин, Н. Ариунбилэг нарын “Иргэдийн эмийн гаж нөлөө”-ний талаарх мэдлэг, хандлагын өнөөгийн байдал илтгэл , дэд байранд  ахлах сувилагч П. Одончимэг, Ж.Цэцэгсүрэн нарын ”Сувилагч нарын сувилгааны түүх хөтлөлтийн өнөөгийн байдлыг үнэлэх нь” илтгэл, гутгаар байранд сувилагч В.Одончимэг, О.Ууганчимэг, Г.Баярхүү нарын  “Сувилагч нарын ажлын ачаалал сувилахуйн тусламж үйлчилгээнд нөлөөлөх нь” илтгэл, сувилагч мэргэжилтний ханан илтгэлд  Ц.Лхамжав, Н. Долгоржав нарын  “Сувилагчийн ажлын ачаалалд нөлөөлөх хүчин зүйлийг судлах нь” сэдэвт илтгэл  тус тус шалгарлаа.