Хан-Уул дүүргийн нэгдсэн эмнэлэг

• ХУДНЭ нь анх  1980 оны 4-р сард  Ажилчны   Районы хүүхдийн  нэгдсэн   эмнэлэг нэртэйгээр   байгуулагдсан, хэвтүүлэн эмчлэх  120 ортой, нэг ээлжиндээ 300  хүүхдэд  үйлчлэх  хүчин чадалтай  поликлиниктэйгээр  үйл ажиллагаагаа   эхэлсэн  байна. 1991 оны 4-р сард ЭМСайдын А/39, Улаанбаатар хотын АДХГЗ –ны 83-р тогтоолоор  нийслэлийн  дүүргүүдэд  эрүүл  мэндийн  зөвлөх төвүүд  байгуулагдаж  амбулатори поликлиникийн  үйлчилгээг  шилжүүлснээр  хүүхдийн  өвчний  чиглэлээр   хэвтүүлэн эмчлэх   үйлчилгээтэй хүүхдийн 4-р эмнэлэг болж өөрчлөгдсөн.
• Тус эмнэлгийг  Эрүүл Мэндийн Сайд, Нийслэлийн  Засаг даргын 2001 оны 4-р сарын  24 ны өдрийн 98/197  тоот хамтарсан  тушаал, захирамжаар   Дүүргийн  нэгдсэн эмнэлэг  болгон өөрчлөн   зохион байгуулж, эмнэлгийн  тусламж  үйлчилгээний  хүрээ, нэр  төрлийг  нэмэгдүүлсэн  юм.
• Одоо Хан Уулын нэгдсэн эмнэлэг  нь  үйлчлэх хүрээний 180 гаруй. мян хүн амд яаралтай тусламж, дотор, мэдрэл,  хүүхэд, мэс засал, гэмтэл,  нөхөн сэргээх эмчилгээ, оношлогооны  чиглэлээр үндсэн нарийн мэргэжлийн тусламж үйлчилгээг  үзүүлж байна.  Тус эмнэлэг нь хэвтүүлэн эмчлэх 205 ортой ажиллаж,  жилдээ дунджаар 10000 гаруй хүнийг хэвтүүлэн эмчилдэг.

2020 ОНЫ ҮЙЛ АЖИЛЛАГААНЫ ЗОРИЛТУУД

Нэг. Эрүүл мэндийн салбарын хэмжээнд “Сувилагч, их баригчын оролцоог нэмэгдүүлэх дээшлүүлэх жил”

Хоёр. Нийслэлийн хэмжээнд “Нэг хот – Нэг стандарт”

Гурав. Эмнэлгийн хэмжээнд ” Ёс зүйн стандарт – Эерэг хандлага”