Тус эмнэлгийн хамт олон 2020 оны ажил үйлсээрээ Нийслэлийн эрүүл мэндийн салбартаа гутгаар байранд шалгарч өргөмжлөл мөнгөн шагналаар шагнагдсан юм.
* Өнөөдөр тус эмнэлгийн хамт олон тайлангийн хурлаа цахим хэлбэрээр хийж “НЭГ ХОТ-НЭГ СТАНДАРТ” жилийн хүрээнд хийсэн ажил ололт амжилт, 2021 оны зорилт үйл ажиллагааны чиглэлээ хэлэлцсэн байна.
* Мөн 2020 оны ажлаараа тэргүүлсэн тасаг хамт олон, эмнэлгийн ажилтнуудаа тодруулж шагнаж урамшууллаа. Үүнд Оны шилдэг эмч, эмнэлгийн дээд мэргэжилтнээр хүүхдийн их эмч Г.ЭНХЗАЯА , Оны шилдэг сувилагчаар яаралтай тусламж эрчимт эмчилгээний тасгийн сувилагч Л.ОЮУНБИЛЭГ , Оны шилдэг тусгай мэргэжилтнээр эмийн сангийн дефектор Б.БАДАМХАНД , Оны шилдэг орчин бүрдүүлэгч ажилтнаар нярав Б.ЦАГААНХҮҮ, асрагч Ж.БАДАМДАГИЙ, Оны шилдэг захиргааны ажилтнаар чанарын менежер Б.АНХТУЯА нар тус тус шалгарч хүндэт өргөмжлөл 400000 төгрөгөөр шагнууллаа.
* Мөн ажил үйлсээрээ эмнэлгийн хамт олноо манлайлсан Яаралтай тусламж эрчимт эмчилгээний тасаг Оны шилдэг тасаг хамт олноор шалгарч Өргөмжлөл 500000 төгрөгөөр шагнагдлаа.
* Эмнэлгийн тусламж үйлчилгээний чанар аюулгүй байдлыг сайжруулах ажилд ахиц гаргаж, амжилт үзүүлсэн статистикч бага эмч Ж.МӨНХЦЭЦЭГ, хүүхдийн их эмч Х.ТУНГАЛАГТУЯА, ахлах сувилагч Д.МӨНХБАЯР, бариа заслын сувилагч Ц.БАЛЖИННЯМ, гал тогооны угаагч Г.ТУНСАГМАА нар Чанарыг эрхэмлэгч хүндэт тэмдэг, мөнгөн шагналаар шагнуулсан байна.
* Эмнэлгийн захиргаанаас зарласан “Таатай тохилог орчин-төгс оношлогоо эмчилгээ” сэдэвт өндөр бүтээлийн болзолт уралдаанд шалгарч тэргүүн байр эзэлсэн Хүүхдийн тасгийн хамт олныг өргөмжлөл 1500000 төгрөгөөр, дэд байр эзэлсэн Дэмжих үйлчилгээний тасгийн хамт олныг өргөмжлөл 1200000 төгрөгөөр , гутгаар байр эзэлсэн Насанд хүрэгчдийн тасгийн хамт олныг өргөмжлөл 800000 төгрөгөөр тус тус шагнаж урамшуулан хөдөлмөр бүтээлийг үнэллээ.
* Мөн нэр бүхий 40 эмнэлгийн ажилтанд НЭМГазрын бэлэг болон хүнсний иж бүрдлийг гардуулсан байна. Та бүхэндээ шинэ оны мэнд хүргэж, аз жаргал амжилт бүтээл сайн сайхныг ерөөе.
