Хан-Уул дүүргийн нэгдсэн эмнэлэг

Хүүхдийн тасгийн танилцуулга

 ХУДНЭ нь анх 1980 оны 4сард Ажилчны Районы хүүхдийн нэгдсэн эмнэлэг нэртэйгээр байгуулагдсан. Хэвтүүлэн эмчлэх 120 ортой, нэг ээлжиндээ 300 хүүхдэд үйлчлэх хүчин чадалтай поликлиниктэйгээр үйл ажиллагаагаа эхэлсэн байна. Тус эмнэлгийг Эрүүл Мэндийн Сайд, Нийслэлийн Засаг даргын 2001оны 4-р сарын 24 ны өдрийн 98/197 тоот хамтарсан тушаал, захирамжаар Дүүргийн нэгдсэн эмнэлэг болгон өөрчлөн зохион байгуулж, эмнэлгийн тусламж үйлчилгээний хүрээ, төрлийг нэмэгдүүлсэн байна. Одоогоор хүүхдийн тасаг нь хэвтүүлэн эмчлэх 70 ортой үйл ажиллагаа явуулдаг. 2020-2021оны хооронд  Ковид-19 цар тахалд  430 хүүхдийг эмчилсэн. 2020-2021 хооронд Био салбар эмнэлэгт 40 ортой энгийн хүүхдийн тасаг ажиллуулж 1623 гаруй хүүхдийг хэвтүүлэн эмчилж 8217 ор хоног ашигласан байна. Тус тасагт төрөлжсөн нарийн мэрэгжлийн  1 тасгийн эрхлэгч, 6 их эмч, 1 менежер сувилагч, 8 сувилагч, 1 туслах сувилагч, 5 асрагч үйлчлэгчтэйгээр ажиллаж, эрчимтийн дараахь эмчилгээ үйлчилгээ, хөгжлийн бэрхшээлтэй хүүхдийн эмчилгээ үйлчилгээ, суурь тусламжийн болон хоол шим тэжээлийн үйлчилгээ, ердийн палатын эмчилгээ зэрэг тусламж үйлчилгээг үзүүлдэг. Дүүргийн Нэгдсэн Эмнэлгийн хүүхдийн тасаг нь хэвтүүлэн эмчлэх 70 ортой, үйлчлэх хүрээний 16 хорооны 0-16 насны хүүхдүүдэд хоёрдогч  шатлалын тусламж үйлчилгээг үзүүлдэг. Жилдээ 5000 гаруй хүүхэд хэвтүүлэн эмчилдэг.

Бидний бахархал: Тус тасагт Хөдөлмөрийн хүндэт 1, Эрүүлийн хамгаалахын тэргүүний ажилтан 5, Нийслэлийн эрүүл  мэндийн тэргүүний ажилтан эмч, эмнэлгийн ажилтан 11, Нийслэлийн шилдэг эмч 1, Сувилахуй амьдрал төвийн аврахуй үйлстэн сувилагч 1, Сувилахуй амьдрал төвийн алтан гарт сувилагч 1, Алтан гадаст одонт сувилагч 1, тэргүүлэх зэрэгтэй эмч 1, тэргүүлэх зэрэгтэй сувилагч 1, ахлах зэрэгтэй сувилагч 1, мэргэжлийн зэрэгтэй үйлчлэгч 2  тус тус ажиллаж байна.

Тасгийн амжилт:

Чанарыг эрхэмлэгч тасаг хамт олон 2010 он

Сэтгэлд нийцсэн 9 үйлчилгээ уралдаанд 1-р байр 2011 он

Эзэн 35 болзолт уралдаанд 2-р байр 2015 он

Чанарыг эрхэмлэгч хам олон 2015 он

ХУДНЭмнэлгийн эмч ажилчдын урлагийн их наадамд 2-р байр 2016 он

Хөгжлийн төлөө хамтдаа болзолт уралдаанд 2-р байр 2015 он

ХУДНЭмнэлгийн Караоке дууны тэмцээнд 1-р байр 2020 он

ХУДНЭмнэлгийн Спортын 5-н төрөлт тэмцээнд Волейволын 2-р байр, Ширээний теннист 1-р байр, 2021 он ХУДНЭмнэлгийн Онол практиктийн бага хуралд 2 илтгэл тус тус тусгай байр 2022 он