Хан-Уул дүүргийн нэгдсэн эмнэлэг

Хан-Уул дүүргийн Засаг даргын орлогч А.Амартүвшингийн санаачлагаар 2018 оны 10 дугаар сарын 11-ний өдөр “Буянт-Ухаа” цогцолбор сургуулийн гадна  талбайд зохион байгуулагдсан “Халамжаас хөдөлмөрт” явуулын өдөрлөгт Хан-Уул Нэгдсэн эмнэлэг хамтран оролцлоо.

Өдөрлөгөөр  дүүргийн 9,10,16 дугаар хорооны иргэд нийгмийн даатгал, нийгмийн халамж, хүүхдийн мөнгөний асуудлаар өөрт шаардлагатай мэдээлэл, зөвлөгөөг авахаас гадна эрүүл мэндийн үйлчилгээг нэг дороос авлаа. Өдөрлөгт оролцож үйлчлүүлсэн 70-аад иргэнд  эм зүйч, хоол зүйч, хөдөлгөөн засалч, мэдрэлийн эмчийн  баг үзлэг, зөвлөгөө, сургалт сурталчилгааг явуулж  ажиллалаа. Өдөрлөгт оролцсон иргэдэд хоол шим тэжээлийн брошур гарын авлага 12 нэр төрлийн 200ш, томуу томуу төст өвчний 4 төрөл, цэгэн массаж, элэг бүтэн монгол, гар угаах арга, эмийн зохистой хэрэглээ зэрэг сэдвээр брошур зөвлөмжийг 260 ш тус тус тарааж эрүүл мэндийн боловсрол олгох сурталчилгааг хийлээ.